中秋 去边好?5大赏月市集!歎限定紫薯芝心猪扒汉堡

中秋 就快到!连埋有成3日假咁多,一于玩尽佢!我哋特登準备咗5大特色市集俾大家跟住玩!有啲玩潮流,可以歎住人气邪恶紫薯汉堡同芝士热狗赏月;有啲玩浪漫,可以望住高过一个人嘅充气月亮,零距离赏月;有啲玩怀旧,重现经典庙会夜,食买少见少嘅潮州冷糕同炭烧鸡蛋仔!大家ready好去大玩特玩未?

捷径:浅水湾The Pulse市集(本页)/ 理工大学庙会 / 中环PMQ / 荔枝角清新市集 / 科学园MAMASMART

中秋限定!邪恶紫薯芝心猪扒汉堡!市集有得食

提供本地创作平台嘅HITCHHIKE,嚟紧一连三日喺浅水湾The Pulse搅市集暨音乐节,地下有嘢食,天台有歌听。嘢食方面,好多坊间邪恶美食都有得食,包括Eighty Sense 中秋期间限定嘅紫薯芝心猪扒汉堡,芝心猪扒已经够邪恶,仲要加埋紫薯蓉,连个包都係紫色添,match晒!另外亦有超邪恶ICONIC H 热溶芝士热狗,虽然汉堡加热狗都同 中秋 完全讲唔埋,但美食当前,大家都无谓谂咁多喇!

中秋 去边好?5大赏月市集!歎限定紫薯芝心猪扒汉堡
HITCHHIKE 之前举行嘅活动都係以音乐及市集做主打,之前喺D2 Place搅,反应都ok,未知今次转主场去浅水湾会唔会更热闹?!
中秋 去边好?5大赏月市集!歎限定紫薯芝心猪扒汉堡
Eighty Sense 紫薯芝心猪扒汉堡
中秋 去边好?5大赏月市集!歎限定紫薯芝心猪扒汉堡
ICONIC H 热溶芝士热狗

饮品方面就有专喺市集摆档嘅LED Mocktail,灯泡型樽身内有水晶冻,经灯光或阳光照射下呈现渐变色,呃like一流!

中秋 去边好?5大赏月市集!歎限定紫薯芝心猪扒汉堡
LED Mocktail睇得又饮得。
成个月亮食落肚!应节明月大菜糕

话晒都 中秋 ,市集入面都会有应节食品俾大家拣嘅!好似下图呢款由ig shop Telight製作嘅明月大菜糕,用蛋花大菜糕扮月亮,俾大家食月亮落肚,而且现场每日限量100个!店方亦会製作绿茶红豆鸡蛋仔,绿茶味鸡蛋仔内有粒粒红豆,上佢哋ig见到呢款鸡蛋仔好易sold out,哗!唔係又要排长龙先食得吖嘛?!

中秋 去边好?5大赏月市集!歎限定紫薯芝心猪扒汉堡
Telight 明月大菜糕
中秋 去边好?5大赏月市集!歎限定紫薯芝心猪扒汉堡
Telight 绿茶红豆鸡蛋仔
唔食得嘅月饼⋯⋯颈链

场内除食物摊位之外,仲有手作市集!其中製作单位小杂团主打手作设计,当日会推出月饼颈链同杨桃颈链,鬼马之余亦够晒应节!佢哋喺製作月饼颈链时仲曾经焗燶个「月饼」,下次真係要好好控制火候喇!

中秋 去边好?5大赏月市集!歎限定紫薯芝心猪扒汉堡
月饼颈鍊
中秋 去边好?5大赏月市集!歎限定紫薯芝心猪扒汉堡
杨桃颈链及手链
陈奂仁、Supper Moment陪赏月

话明係市集暨音乐节,当然唔少得音乐表演啦!喺为期3日嘅音乐节入面,表演单位有陈奂仁、Supper Moment 、陈蕾、李拾壹、新青年理髮厅、小红帽同DJ JFung Remix 等,分别由每日由下午1点唱到夜晚9点,想捕获佢哋就要睇实时间表喇!

中秋 去边好?5大赏月市集!歎限定紫薯芝心猪扒汉堡
陈奂仁
中秋 去边好?5大赏月市集!歎限定紫薯芝心猪扒汉堡
Supper Moment
中秋 去边好?5大赏月市集!歎限定紫薯芝心猪扒汉堡
李拾壹

中秋 去边好?5大赏月市集!歎限定紫薯芝心猪扒汉堡3米高充气月亮 赏月零距离!

值得留意係天台音乐节位置有一个3米高充气月亮灯,可以零距离赏月,不过想睇就要俾钱喇!因为要入天台音乐节就要收费,以一日成人票价钱计,现场买要$150,预售价就收$120,可以上网买又或者去HMV门店买,想悭钱就要留意啦!

中秋 去边好?5大赏月市集!歎限定紫薯芝心猪扒汉堡
官方话充气月亮灯有3米高,咪仲高过一个人?!

中秋 去边好?5大赏月市集!歎限定紫薯芝心猪扒汉堡

HITCHHIKE市集暨香港中秋音乐节

日期:2015年9月26至28日

时间:1pm-10pm

地点:浅水湾海滩道28号 The Pulse 滩畔商场;市集于L3及音乐节在天台

备注:市集免费入场;音乐节需付费

音乐节门票费用:现场门票:成人$150 一日、$380 三日;学生$120 一日、$300 三日

预售门票:成人$120 一日、$300 三日;学生$100 一日、$250 三日

预售门票网页

Facebook Page

理大庙会夜!重现昔日情怀!只限一晚

成日讲旧阵时,係!旧阵时真係好多好嘢,依家已经愈嚟愈少见!不过呢个迎月夜,将潮洲冷糕、炭烧鸡蛋仔、皮影戏全部带返晒嚟!皆因理工大学9月25日将会举行庙会市集,大玩怀旧趁墟主题,有小食亦有手艺工作坊,重现香港昔日情怀,不过就只限一晚,美好嘅回忆通常都好短暂嘅⋯⋯

中秋 去边好?5大赏月市集!歎限定紫薯芝心猪扒汉堡
主办单位特别建造一座摩登透明庙堂,等大家可以一反传统,喺室内赏月。
怀旧风味再现!油麻地潮洲冷糕+牛下炭烧鸡蛋仔

庙会内有多种怀旧小食可以俾大家睇住点整,包括年轻一辈(包括记者)都未必太熟悉潮洲冷糕,冷糕大约係六、 七十后嘅街头小食,馅料係是砂糖、 芝麻和花生碎,食落外脆内软,渗有糖香。而炭烧鸡蛋仔亦係买少见少,牛头角下邨嘅木头车炭烧鸡蛋仔深受街坊欢迎,可惜牛下清拆后,都无乜机会食到,依家档主重出江湖,大家又有得食返充满炭香嘅鸡蛋仔喇!另外亦有上水小店物尽其用,製作豆腐渣酥,以及新界古法由糯米粉同花生馅製成嘅茶粿,大家又有口福喇!

中秋 去边好?5大赏月市集!歎限定紫薯芝心猪扒汉堡
旧时嘅冷糕好似只镬咁大底,每底切开八件卖,不过依家多数用夹饼大细嘅模具,做细件,每件完整出售。
中秋 去边好?5大赏月市集!歎限定紫薯芝心猪扒汉堡
食冷糕小贴士:一定要放平食,否则馅料洒到满地都係!
中秋 去边好?5大赏月市集!歎限定紫薯芝心猪扒汉堡
现今用电炉做鸡蛋仔,虽然方便,但始终及不上炭炉烧出嘅香。
中秋 去边好?5大赏月市集!歎限定紫薯芝心猪扒汉堡
场内仲有热辣辣嘅炭烧鸡蛋仔
中秋 去边好?5大赏月市集!歎限定紫薯芝心猪扒汉堡
口感似鬆饼嘅豆腐渣酥
中秋 去边好?5大赏月市集!歎限定紫薯芝心猪扒汉堡
烟烟韧韧嘅菜粿,係以往香港嘅流行小食。
怀旧工作坊 学返门手艺

除咗怀旧小食,庙会内亦有民间传统工艺工作坊,包括以嫦娥奔月为题,製作皮影戏,亦有纸扎地灯製作、以及图章饰物雕刻,免费参与,不过要报名就趁早,听讲名额都差唔多满,想去就要去官网check下喇!

中秋 去边好?5大赏月市集!歎限定紫薯芝心猪扒汉堡
传统皮影戏多以传说故事为题,图为西游记场景。
中秋 去边好?5大赏月市集!歎限定紫薯芝心猪扒汉堡
工作坊内的花灯结合传统工艺及现代设计製作。
中秋 去边好?5大赏月市集!歎限定紫薯芝心猪扒汉堡
传统图章多用于书画签名中,现製成饰物,成为另一种风格。

迎迎月・大派对

日期:

时间:5:30pm-10pm

地点:香港理工大学赛马会创新楼平台(户外位置)

费用:免费入场,但需预先网上报名

报名网页

中秋照呃like PMQ Smiley巨型花灯

今个中秋撞正星期日,有假放,但呃like呢个任务从来唔会放假!为咗应节,中环PMQ低层地下平台花园放咗多个高达一至两米嘅Smiley样巨型花灯,每个都有唔同嘅鬼马样,俾你行埋去同佢哋selfie,呃like无难度,而且依家已经有得影,去到9月29日先完。嫌净係影相会闷亲隔离,可以拣9月25日至28日去,有个小型市集,有彩绘布袋及印度指甲花Henna彩绘等摊档,规模虽比较小,但都属心机之作,手作爱好者都不妨望望。

中秋 去边好?5大赏月市集!歎限定紫薯芝心猪扒汉堡
大大个嘅Smiley花灯,远睇好似好多个月亮放咗喺地下。
中秋 去边好?5大赏月市集!歎限定紫薯芝心猪扒汉堡
除大型花灯外,另有小型Smiley灯笼,挂满每层楼,几有气氛。
中秋 去边好?5大赏月市集!歎限定紫薯芝心猪扒汉堡
Yellow White Stone布袋嘅图案由档主Momo亲手画成,每个袋都独一无二。
中秋 去边好?5大赏月市集!歎限定紫薯芝心猪扒汉堡
印度手绘师Mr.Henna会为大家只手「扮靓靓」。

GP x Smiley®开心能亮週末夜间艺术市集

日期:2015年9月25至28日

时间:6pm-10pm

地点:中环鸭巴甸街35号PMQ Marketplace & Courtyard

费用:免费入场

网页

荔枝角小清新市集

市集热点荔枝角D2喺中秋期间有活动!大会将会连同Noah Market 合作,举行市集,佔地2层连天台,参展档位超过160个,都係云集美食及手作档位。饮食档位包括有走小清新路线嘅好时光,当日会推出鲜芒果冰棒同柠檬梳打;亦有中西合壁嘅黑皮麦斯,以中式茶混合不同嘅花茶、果茶,变成mocktail。而手作档位有劲少女风嘅Sharoasis.handmade,当日会以兔子为题推出饰物,亦有羊毛毡手作人Tammytam95製作嘅小动物摆设,到时可以食下嘢再慢慢行。而主办单位亦预告将会于天台放有2米高嘅吹气月亮灯,俾大家影相呃like应节。

中秋 去边好?5大赏月市集!歎限定紫薯芝心猪扒汉堡
D2 Place定期都会举行市集,好多时都人头涌涌。
中秋 去边好?5大赏月市集!歎限定紫薯芝心猪扒汉堡
好时光主打水果冰品饮料。
中秋 去边好?5大赏月市集!歎限定紫薯芝心猪扒汉堡
黑皮麦斯于市集当日会推出特别版中式兔子杯。
中秋 去边好?5大赏月市集!歎限定紫薯芝心猪扒汉堡
Sharoasis.handmade嘅作品充满复古少女风。
中秋 去边好?5大赏月市集!歎限定紫薯芝心猪扒汉堡
Tammytam95羊毛毡作品多为写实动物。

Noah Market x D2 Place中秋派对

日期:2015年9月26至28日

时间:1pm-11pm

地点:荔枝角长义街9号D2 Place一期2/F、9/F及天台花园

费用:免费入场

Facebook Page

科学园整灯笼应节

定期每月最后一个星期日下午举行嘅MAMASMART,一直都主打亲子活动同手作市集、而中秋节都唔例外,当日现场有手工花灯工作坊,爸爸妈妈可以同小朋友一齐整中秋花灯,整完可以即晚玩,台上亦有音乐表演,新环节MAMASHOW内,小朋友更有机会上台演出,挑战胆量。另有二手换物活动MAMASWAP,整个换物过程会係用积分制,将二手物件带去,换取积分,就可以用所得积分交换其他二手物件,都几环保!

中秋 去边好?5大赏月市集!歎限定紫薯芝心猪扒汉堡
MAMASWAP俾小朋友学识循环再用,减少浪费。
中秋 去边好?5大赏月市集!歎限定紫薯芝心猪扒汉堡
製作灯笼无特定款式,俾家长同小朋友发挥创意。
中秋 去边好?5大赏月市集!歎限定紫薯芝心猪扒汉堡
音乐表演中,小朋友更有机会上台唱歌。
中秋 去边好?5大赏月市集!歎限定紫薯芝心猪扒汉堡
市集亦有手工皂等手作品售卖。

MAMASMART

地址:沙田香港科学园2期尚湖楼地下

时间:12nn-6pm

费用:免费入场,灯笼班另外收费

灯笼班费用:每位$100 (一个大灯笼)/$160(包括一个大加一个小灯笼)

相关推荐